De Strom wird knapp und s’Gas gaht uus
De Herd macht schlapp, s’ fählt Pfuus im Huus

Sammle Holz und lisme Socke
Chätsche zfride Haferflocke

Mues jetz mini Jeans nümm wäsch
D‘ Wösch wird suuber ä mit Äsche

Lueg, s’gaht guet au ohni choche
Ha no gnueg uf mine Chnoche

Bruuchsch paar Äxtras, häsch sie poschtet
Merksch ganz schnäll, was spare choschtet

Deet obe z’ Bern sind gschiidi Lüt
Drum machis gern, drum machts mr nüt

Der junge Mann im Abteil gegenüber            
Sass einfach da und las in einem Buch.                      
Manchmal hob er seinen Kopf und schaute aus dem Fenster.                                  
Dann las er wieder weiter in dem Buch.                    
Da war kein Laptop, noch Musik aus Stöpseln.
Ein Smartphone hing auch nicht an seinem Ohr.
Er ass auch kein Brot mit Ei und Thunfischmayonnaise.
Und holte sich dazu kein Bier hervor.

Als dann der Zug in Zug ankam und anhielt,
Nahm der Mann sein Buch und sagte leise:
«Hier wohne ich. Ich wünsche Ihnen einen schönen Tag.
Und weiterhin eine gute Reise.»
Der junge Mann im Abteil gegenüber            
War so höflich, wie niemand es ertrug
Man fragte sich, wer ist er, und fragte sich, was will der?
So fein benimmt man sich doch nicht im Zug.

Ischtige.
Tür freigäh.
Tür freigäh!
Verständnis ha.
Platz sueche, Platz finde.
Köfferli ufe.
Absitze.
Abfahre.

Ahalte.
Witerfahre.
Umschtige.
Useseckle, abeseckle, ufeseckle.
Verständnis ha.
Witerseckle.
Ischtige.
Platz sueche, Äxgüsi.

Absitze, Billet sueche.
Füess abe!
Verständnis ha.
Billet zäige.
Erschti Klass?
Zwäiti Klass isch hine.
Ufstaah, hindere gah, Platz sueche.
Verständnis ha.

Ufs Hüsli gah.
Hüsli sueche.
Hüsli bsetzt.
Hüsli sueche.
Hüsli gaht nöd.
Hüsli stinkt, Hüsli bsetzt.
Verständnis ha.
Ahalte.

Warte.
No chli warte.
Ding Dong.
Kondi lose.
Äxgüsi.
Gottfried Stutz.
Verständnis ha.
Witerfahre.

Ahalte.
Sitze blibe, warte.
Ding Dong, äxgüsi.
Usschtige.
Verständnis ha.
Ischtige.
Köfferli ufe.
Absitze, abfahre.

Uf d’Uhr luege, alüte.
Äxgüsi.
Verständnis ha.
Acho.
Usschtige.
Useseckle, Bus verwütsche.
Köfferli vergässe, zruggseckle.
Verständnis ha.

S’isch nüme da.

Wänns di bald butzt
Tuesch ufruume
Tuesch s’Züüg in Ornig bringe
Alles aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Wänns di bald butzt
Tuesch nur bhalte
Was di froh und glücklich macht
Was weh tuet chunt furt
Furt mit em Grümpel und wäg mit em Züüg
Bliib a dim Züüg nöd chläbe
Dänn häsch meh Ziit fürs Läbe

Tue alles nomal aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Wänns di bald butzt
Häsch nomal Luscht
Uf dini guete Fründe
Lad i zume Fäscht
Und dini Liiche dune im Chäller
Die mues niemerd me finde
La die schnäll no verschwinde

Wänns di bald butzt
Händ di alli gärn
Und plötzli vill Zit für dich
Und dis Teschtamänt
Du häsch kä Luscht und ä kä Ziit für Striit
Lüt lieber em Nachber a
Büüt em Schnaps und Friede a

Tue alles nomal aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Wänns di bald butzt
Sind all truurig
Sie brüeled und sind truurig
Haltsches fascht nöd uus
Jetzt söttsch au no die Verwandte tröschte
Sölled doch chli fröhlich sii
Vilicht butzts au sie scho gli

Wänns di bald butzt
Häsch ändlich Zit
Muesch ändlich nümm pressiere
S’wird niemer verruckt
Wänd z’spaat bisch oder vilicht gar nüm chunsch
Es isch glich, wänn gar nüm chunsch
Es isch okay, wänn gar nüm chunsch

Tue alles nomal aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Nüme bache
Sälte choche
Cherzli chaufe

Nüme bade
Chürzer dusche
Zämeraufe

Nüme wäsche
Nüme suuge
Bäse chaufe

Heizig abe
Gfüertrueh use
Iiskunschtlaufe

Liecht ablösche
Compi abe
Bitcoin chaufe

Nüme tanke
Nüme flüge
Tesla chaufe

Da söttsch spare
Das muesch chaufe
Ändlosschlaufe

D’Löhn gönd abe
D’Priise ufe
S’Gschäft mues laufe