Im Radio säit äin Hallo
Schön, losed Sie öis zue
Nöd wit vo öis häts wieder knallt
Döt gänds eifach käi Rueh
Mr mached echli Musig jetzt
Und nachher dänn es Spiel
Spänded Sie für die arme Lüüt
Und grübled Sie nöd z viel

Läider han i nüt zum Spände
Zum Grüble hani gnueg
Und de ganz Tag Zit, hey Chällner
Ich nimm nomal en Chrueg
Vor churzem händs mi use gschtellt
Will i z alt bin und z tüür
Dass i nümm jung und tifig bin
Cha d Bude nüt defür

Im Radio wird diskutiert
Öis länger chrampfe z’laa
En andre säit, Dänn müessted die
Aber au öppis z’schaffe haa
Mr mached echli Musig jetzt
Und nachher dänn es Spiel
Spänded Sie für die arme Lüüt
Und grübled Sie nöd z viel

Mr mached echli Musig jetzt
Nachher düemer spiele.
De Sound da us Amerika
Isch genial zum Chille

Wänn Sie öppis gwünne wänd
Händs gsäit im Radio
Lüted Sie is Studio a
Ich bin nöd durecho
Jetzt brichtets wieder vo däm Chrieg
Au Chind sind scho es Ziel.
Spänded Sie für die arme Lüüt
Und grübled Sie nöd z’viel

Mr mached echli Musig jetzt
Es isch Zyt zum Chille
De nögscht Song chunt us Afrika
Nachher düemer spiele

De ganz Tag schwätzets uf mi i
Hey Chällner no nen Chrueg
Und stelled Sie das Radio ab
Es langed, es isch gnueg
Er ghört mi nöd, er stellt sich taub
Ich glaub, es isch em gliich
S ganz Läbe lang gahts mr scho eso
Wer lost dänn scho uf mich

De nögscht Song chunt us Appezäll
De isch geil zum Tanze
Ganz langsam zerscht und dänn ganz schnäll
Ligg nöd ufem Ranze

Und dänn no äin us Rapperswil
Hey Chällner, no nen Chrueg
Wänn das de letztschti Tag söll sii
Dänn hani nonig gnueg