Wänns di bald butzt

Wänns di bald butzt
Tuesch ufruume
Tuesch s’Züüg in Ornig bringe
Alles aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Wänns di bald butzt
Tuesch nur bhalte
Was di froh und glücklich macht
Was weh tuet chunt furt
Furt mit em Grümpel und wäg mit em Züüg
Bliib a dim Züüg nöd chläbe
Dänn häsch meh Ziit fürs Läbe

Tue alles nomal aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Wänns di bald butzt
Häsch nomal Luscht
Uf dini guete Fründe
Ladsch i zume Fäscht
Vilicht häsch au no e Liich im Chäller
Die mues niemer me finde
Die lasch vorher verschwinde

Wänns di bald butzt
Händ alli di gärn
Händ alli vill Zit für dich
Wänd is Teschtamänt
Häsch kä Luscht uf Striit und au kä Ziit
Lieber lütsch em Nachber a
Büütisch Schnaps und Friede a

Tue alles nomal aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti

Wänns di bald butzt
Sind all truurig
All brüeled und sind truurig
Haltsches fascht nöd uus
Muesch jetz au no die Verwandte tröschte
Chönd die nöd chli fröhlich sii
Vilicht butzts au sie scho gli

Wänns di bald butzt
Häsch ändlich Zit
Muesch ändlich nümm pressiere
S’wird niemer verruckt
Wänd z’spaat bisch oder vilicht gar nüm chunsch
Es isch glich, wänn gar nüm chunsch
Es isch okay, wänn gar nüm chunsch

Tue alles nomal aaluege
S Foti vom Lotti nomal aaluege
Nomal Ziit näh fürs Lotti
Und dänn furt mit em Foti