Verständnis ha (Pendlerblues)

Ischtige.

Tür freigäh.

Tür freigäh! Verständnis ha.

Platz sueche, Platz finde, Köfferli ufe.

Absitze.

Abfahre.

Ahalte.

Witerfahre. Umschtige.

Useseckle, abeseckle, ufeseckle.

Verständnis ha.

Witerseckle.

Ischtige.

Platz sueche, Äxgüsi.

Absitze, Billet sueche. Füess abe!

Verständnis ha.

Billett zäige.

Erschti Klass?

Zwäiti Klass isch hine.

Ufstaah, hindere gah, Platz sueche.

Verständnis ha.

Ufs Hüsli gah.

Hüsli sueche.

Hüsli bsetzt. Hüsli sueche.

Hüsli gaht nöd, Hüsli stinkt, Hüsli bsetzt.

Verständnis ha.

Ahalte.

Warte.

Witer warte, Ding Dong.

Kondi lose, äxgüsi. Gottfried Stutz. Verständnis ha.